انا عايز اتجوز ........

وليه دايما الحرام سهل ؟


ليه دايما سهل انك تعرف واحده وتصاحبها وصعب انك تتجوزها ؟


بجد حاجه صعبة قوي .. عقدة !


يعني أنا شاب لي احاسيسي ومشاعري وباحتاج الحب في المرحلة العمرية اللي أنا فيها دي .. ومش عايز اعرف واحده في علاقة صحوبية عشان حرام مش ده اللي بيقولوه ؟


طب إيدي على كتفك ..يعنى أنا كنت أقدر اتجوزها وما اتجوزتهاش !


الوضع الاقتصادي صعب .. وشروط الجواز صعبة .. شبكة ولازم تكون حاجه قد المقام وشقة أربع أوض وصالة وريسبشن وحمامين ومطبخ وحمام سباحة و مكروباص راكن تحت البيت ولازم تكون في حته كويسه وشغلانه لازم تدخلك مبلغ يعيش بنتنا عيشه كويسه ..


الوضع الاقتصادي زبالة من الآخر .. البلد منهوبة وفي بدل الأزمة سبعين ازمة .. طب والعمل ؟؟؟


قعدت افكر مع نفسي كده ..


نعمل إيه عشان أم الأزمة دي تتحل وكل واحد يتجوز البنت اللي بيحبها ؟ وكذلك العكس ؟
فكرت في انقلاب بالشباشب على الحكومة ! ونروح ماسبيرو ونعلن في القناة الساتة ان الحكومة اتغيرت وجبنا حكومة تانيه هتعمل مستقبل للشاب عشان لما يخش على ابو العروسه يقوله أنا خريج تجارة وباشتغل نفسى ...قصدى في البنك الأهلي بخمستلاف جنيه ! بعد كده افتكرت فيلم بركان الغضب لما الجيش نزل الشارع عشان يدافع عن الحكومة .. فالعملية كده مش هتنفع .. ومش هاينوبنا غير ضياع شباااشبنا ويمكن شياع حياتنا !!


طب وبعدين ! انا عايز فلوس دلوقتي أجيب شقة وشغلانه نضيفة .. هاعمل ايه والعملية مغيببه كده طب ؟؟ إيه ام الحيرة دي ياربي !!


فكرت في حاجه تانيه .. أسرق !! أعمل زي أحمد السقا .. البس اسود في اسود وأروح فيلا من فيلل الأغنيا اللي ناهبين في البلد وآخد معايا كشاف واحط فيه حجرين ماركة القط الاسود عشان ما يفصلش واتسلل من النافذه وأسرقلي ييجي 15488893 مليون جنيه ولا حاجه كده من الخزنة وأطلع أجري والصبح اقوم فاتح سنترال ومحل موبيليا وفرن افرنجي وعربية كبدة في الموقف الجديد واعيش منهم ملك واتقدم بعدها بتلات ايام اوشهرين كده لابو البنت اللي هاتجوزها ويقولي يا مرحب يا إبني إحنا بنشتري راجل والله بس راجل عنده سنترال وفرن افرنجي وعربية كبده في الموقف أومال راجل ازاي .. هو الراجل يبقى راجل من غير كام باكو كده بيخشولوا كل شهر !! وفجأة ألاقي البوليس هاجم علي وانا عند أهل عروستي بيقولولي هات ياض الفلوس اللي سرقتها ! طبعا انا عشان منحوس البوليس ساب اليوم كله ومسكني اليوم اللي هاخطب فيه وعند أهلها .. طبعا الخطوبة هتتفشكل .. لإن الرجولة مش معناها ان يبقى عندك سنترال وفرن افرنجي وعربية كبده في الموقف وتبقى مسجون !




طب إيه العمل يا جدعااان .. اعمل إيه ؟؟ أنا المرادي مش هاعمل فيها عم الفاهم وهاسيبكوا تفتوا .. قل لي بالله عليك ماذا تفعل لو كنت مكاني ؟



مستنى حلولكم ....
توقيع شباب مطحونه

فعلا شباب مطحونة بس اكيد ربنا مش هيسبكوا
وبعدين مايكل مفيش دلوقتى كل الطلبات دى والله بقى بيحسوا بالشباب وبيسهلو علية المشوار وبيقسموا الحاجة بالنص
والشبكة دى بقت دبلة ومحبس وخاتم
يعنى مبقتش شبكة شبكة
والشقة بقى يقولك اى حتة ان شاء الله لو فى اخر البلد بس شقة والسلام

ربنا يكون فى عونكم ويقويكم يارب ويرزقكم من وسع يارب

كل حاجة ليه عندك حل الدنيا بنسبلك سهله قووووى وبتسهليه علينا ههههههههه

مش سهلة والله ولا حاجة
بس هنعقدها لية نسهلها يمكن ربنا يسهلها علينا

انا بجد هاخد برد سهم الحب يسلمووووووووووووو ويتقبلو مرورى
وهضيف حاجه ؟؟؟؟؟؟؟؟؟؟؟
خد براى مصطفى كامل (الله يسهلو)
هههههههههههههههههههه
يسلموووووووووو مايكل على الموضوع الجميل اوى اوى


عاشق المســــــــــــــــــــــــــــــــــــــــ(اذا كانت الخيانه الرجل فالغدر المراه)ـــــــــــتحيل

انتو عارفين ان بجد الشباب المصري هما اكتر شباب اترحمو من حته تجهيز الشقه كلها تعالا بص يابنى انت وهو على الشباب الى فى بلاد الشام

طب احنا مش هانروح لبعيد فى بلد اسمها لو بتسمعوا عنها الاردن دى النظام فيها ازاى انك تجيب الشقه والعفش وكل حاجه والله العظيم العروسه مابتخش البيت الا بالفستان الى عليها ده حتى الفستان ده العريس الى دافع حقه علشان كده انتو تحمدو ربنا والله عندنا فى الاردن الجواز كده وتصورو بقى انك بعد كل ده لازم تكتب كل حاجه فى الشقه باسم المتنيله الى هيا العروسه يعنى ده انت شويه هاتغير اسم ابوك وتحط اسمها بدالو احمدو ربنا ياشباب مصر ده انتو عايشين فى رحمه

شكرا يا مايكل بس قولى هو الرقم الى انت هاتسرقوا ده رقم بيتكم ؟؟

ياستى بس لحالة الاقتصادية الزفت الااحنا فية احنا لقين ناكل عشان نجيبكم بالفستان العليكم ههههههههههههههههههه عفوا هذا زمان الولد هو اليجى بالقميص العلية والبنت تجهزة من كله هههههههههههههههههههههههههههههههههههههههههههههههههه