الحكومة بتستهبل يا فوزيه علي رأئ محمد هنيدي

يعيش المجتمع المصري الان في ظروف أقتصاديه وسياسيه وأجتماعيه بصراحه محدش يحسدنا عليها.. والحزب الحاكم لا يزال عاجزا عن أحتواء هموم البسطاء والفقراء وغير القادرين الذين يعانون من فساد الكبار وغلاء الأسعار ورشاوي الموظفين وأنهيار الأبنية ومياه المجاري وأنفلونزا الطيور وأزمات المرور وأحتكار السلع والغش في الدواء ومياه الشرب وزيادة معدلات الجريمه من قتل وسرقة
الحاجة ال غيظاني بقي وبتخليني عايزة أشد في شعري أن
يتفرغ أعضاء الحزب الحاكم للدفاع عن برامجه وسياسته بالباطل والترويج لثقافته عبر الفضائيات والندوات والمؤتمرات وتحت قبة البرلمان
والتحدث عن أنجازتهم التي ليس لها مثيل ( دي من وجهه نظرهم )
وكأنهم مش عايشين معنا في نفس البلد ومش بيشوفوا الجرايد كل يوم
ومش حاسين بالكوارث ال بتحصل كل يوم للشعب دا أنا مرة في جريده الدستور لقيت خبر أن واحد في بورسعيد بيبيع ولاده
عايزين ايه تاني أكتر من كده
محمد هنيدي في فلم جاءنا البيان التالي قال أمريكا بتستهبل يا فوزية
بس النهاردة الحكومه هل ال بتستهبل عامله نفسها مش شايفه ومش سامعه
مصر فيها خير كتير من
من دخل قناة السويس ومن ضرائب ومن حاجات تانيه كتير...
خير بلدنا يكفينا وزياده بس الكبار عايزين الخير ليهم بس ولمشارعهم
ونفضل احنا مطحنونين والشعب يلاقي رغيف العيش بالعافيه وهما ياكلوا الكفيار والأستاكوزا